3 saylı Uşaq Evindən qovulan müəllimədən ŞOK AÇIQLAMA: “Orada uşaqlara 1 stəkan süd belə vermirlər”
Xəbər verdiyimiz kimi 13 yaşlı Ramal adlı yeniyetmə ARB televiziyasında yayımlanan “Səni Axtarıram” verilişininə müraciət edərək Xətai rayonunda yerləşən 3 saylı Uşaq Evində uşaqların təhqirə və zorakılığa məruz qaldığını qeyd edib.
Sonxeber.az xəbər verir ki, “Səni Axtarıram” verilişininə çıxan və 3 saylı Uşaq Evində qovulan Gülcan adlı qadın Ramalın düz danışdığını və orada uşaqların işgəncələrə məruz qaldığını söyləyib:
“Mən 1 öncə uşaqların haqqını tələb etdiyim üçün 3 saylı Uşaq Evindən Əmək Məcəlləsinin 72-ci maddəsindən işdən çıxarıldım. Guya mən uşaqları döyürəm. Amma əksinə uşaqlara verilən yeməklər və onlara edilən haqsızlıqla bağlı etiraz etdiyimə görə işdən çıxarıldım. Uşaqların yeməyi və paltarla bağlı çəkilişlər edib, paylaşımlar edirdim. Məqsədim də uşaqlar verilən işgəncələri göstərmək idi. Uşaqlara ancaq makaron, bulğur verirdilər. Amma dövlətimiz tərəfindən uşaqlar geyim və yeməklə təmin olunurlar. Mən də o uşaq evində böyümüşəm. İstəmirəm ki, mənim çəkdiyim əzabları onlar da yaşasın. Uşaqlara 1 stəkan süd belə vermirlər”.
Qeyd edək ki, Gülcan adlı qadının 3 saylı Uşaq Evində çəkdiyi dəhşətli görüntülər efirə verilib.
Xəbərçi
