Admin 
Şəhid Cəfər Namazov – Qəhrəmanlıqla yazılmış ömür
8 Noyabr – Zəfər Günü, Azərbaycan xalqının qürur və fəxarət mənbəyidir. Bu tarixi Qələbə, torpaqlarımızın azadlığı uğrunda canını fəda etmiş şəhidlərimizin igidliyi və fədakarlığı sayəsində qazanılmışdır. Həmin igidlər sırasında Vətənimizin mərd oğlu Şəhid Cəfər Namazov da xüsusi hörmət və ehtiramla anılır.
Cəfər Namazov, doğma torpağını, xalqını və dövlətini hər şeydən uca tutan, Azərbaycan Ordusunun cəsur döyüşçülərindən biri idi. O, Vətən müharibəsi zamanı göstərdiyi şücaət, əzmkarlıq və əsl döyüş ruhu ilə silahdaşlarının və komandirlərinin dərin hörmətini qazanmışdı. Döyüş meydanında göstərdiyi qəhrəmanlıq, onun adını xalqımızın yaddaşına əbədi olaraq yazdı.
O, Azərbaycanın ərazi bütövlüyü uğrunda canından keçərək, ən ali zirvəyə – Şəhidlik zirvəsinə ucaldı. Şəhid Cəfər Namazovun döyüş yolu gənclərimiz üçün vətənpərvərlik nümunəsidir. Onun igidliyi, Vətən sevgisi və əqidəsi hər bir azərbaycanlı üçün örnəkdir.
Bu gün xalqımız Zəfər Gününü qeyd edərkən, Cəfər Namazov kimi qəhrəmanların ruhu qarşısında baş əyir. Onların fədakarlığı sayəsində üçrəngli bayrağımız Qarabağ səmasında qürurla dalğalanır.
Qarabağ Azərbaycandır — bu gerçəkliyi tarixə qanı ilə yazan igid oğullarımızın adları heç vaxt unudulmayacaq.
Şəhidlər ölməz, Vətən bölünməz!
Hazırladı : Tural Ümid Akif oğlu. Müstəqil yazıçı jurnalist
